مرض النيوكاسل

مرض النيوكاسيل

مرض النيوكاسيل

بوست علمى يخدم الحقل عن علاقة النيوكاسل ب الاحماض ومضادات السموم
خلاصتة ل اللى مش حابب كلام علمى موجود فى اخر سطور
اولا تعالى نشوف الفيرس بيدخل خلية جسم الطير ازاى
شوف يا الحبيب
فيرس النيوكاسل هو فيرس مغلف من نوع الRNA
وكلمة مغلف دى يعنى يحتوى على غلاف وهتعرف فى الاخر فايدة الموضوع دا فى المطهرات لان الفيروسات نوعين مغلف وغير مغلف
على سطحة الخارجى نوعين من البروتينات السكرية الاول اسمة بروتين الانصهار اسمة fusion (F) proteins
ودا اللى الكل عارف انة مسؤول عن دخول الفيرس لخلية الجسم وقولنا قبل كدا ان بروتين F دا لازم ينشطر لجزئين F1 و F2 والانشطار دا بيتم فى وجود انزيمات البروتييز والانزيم دا موجود فى خلية الطير بس لما يكون فية امراض بكتيرية زى الميكوبلازما او الكولاى بنلاقى الانزيم دا بيزيد بالتالى خاصية الانصهار دى بتزيد وبالتالى بتزيد شراسة وقوة الفيرس
طيب الكلام دا كلة قديم ومهندس عاطف كتب بوستات من سنة 2015 عنة
اية الجديد هنا
الجديد ان فى فيرس علشان يدخل خلية جسم الطير لازم من بروتين اخر او مساعد والنيوكاسل علية بروتين اخر اسمة
(hemagglutinin-neuraminidase (HN

مرض النيوكاسيل للدواجن

مرض النيوكاسيل للدواجن

مرض النيوكاسيل للدواجن

اهو البروتين التانى دا سبب الشراسة
شوف انا قارئى رسايل علمية كثيرة جدا عن بروتين HN دا وعلية كلام فنى ومناعى كثير وازاى بنحصن تحصينة معينة ومش بتصد بسبب
الساق بتاعة البروتين دا المغروزة فى جدارة وان عليها شوية احماض امينية لو اتغير اى ترتيب او تتابع لحمض امينى بدل حمض اخر قلب حال الفيرس خالص سواء من شراسة او من مكان اصابة
يعنى رايح يصيب التنفسى مثلا ولمجرد تغير حمض امينى فى مكان الساق بتاعة الHN دا ف اتغيرت وجهتة للاصابة الى المخ او الامعاء
فية كلام كثير جدا فى الجزئية دى
لكن خلينا نركز فى علاقة البروتين دا بالحموضة
العلم بيقول فية طريقتين لدخول الفيرس ل خلية العائل
طريقة الانصهار ودى عن طريق بروتين ال F
وطريقة الابتلاع الخلوى endocytosis. اهى الاخيرة دى
هى السبب فى حب الفيرس للوسط الحمضى علشان يعرف يدخل ويتكاثر
بيقولك الابتلاع الخلوى دا بيتم عن طريق مسارات على سطح خلية الطير
مسار معتمد على بروتين موجود على سطح خلية الطير اسمة جلاثرين
clathrin-mediated pathway
ومسار اخر عن طريق بروتين بخلى جدار خلية الطير على شكل كهف ف بتتقوس عن طريق بروتين اسمة كافولين والمسار بتاع الكافولين اسمة
Caveola-mediated endocytosis
وعلشان الموضوع مش يكون معقد وببساطة
موجود على سطح خلية الطير 2 من البروتينات او المسارات بيعملو تقوس علشان يحصل ابتلاع للفيرس وعملية الابتلاع دى لا تحدث الا فى وجود تدفق عالى من الهيدروجين او بما يسمى انخفاض الPH
بيقولك جميع عائلات الباراميكسوفيرس لها نفس خاصية الدخول لجسم الطير
سواء نيوكاسل او انفلونزا او باراميكسو الحمام
خلاص كدا عرفنا لية الاحماض بتزود المرض وبترفع النافق خاصة وقت دخول الفيرس او فى بداية الاصابة
العلماء حبو يتاكدو من موضوع الحموضة دا ف عملو اصابة معملية صناعية للفيرس علشان يشوفو خاصية الانصهار والالتقام الخلوى وسرعتها واضافو بعض المواد اللى حموضتها مش عالية زى
زى ازيد الصوديوم sodium azide NaN3
وايضا جربو كلوريد الامونيوم ammonium chloride NH4Cl
لاحظو فعلا ان الانصهار والالتقام الخلوى سرعتة بتقل هى اة مش بتمنع انتشار الفيرس لكن قللتلة من 100% بدون المواد دى
الى 80% ب اضافة ازيد الصوديوم لوحدة وقل اكثر لما ضافو مع الازيد دا كلوريد الامونيوم
طيب المعلومة الاخير نطلع منها ب ان فية منشطات ككلوية فيها كلوريد امونيوم اضافتها وقت الاصابة لة دور مهم
اما اى منتج مضاد سموم سواء حمضى او بيولوجى ف هو محب جدا للفيرس هتقولى يا مهندس عاطف حتى البيولوجى
هقولك طبعا لانة بعد ما يدخل الجسم بيشتغل فى وسط حمضى ايضا
طيب اية حكاية ان فيرس النيوكاسل مغلف ولة غلاف دهنى دى هتفيدنا فى اية

علاج مرض النيوكاسيل

علاج مرض النيوكاسيل

علاج مرض النيوكاسيل

اولا هتفيدك فى استجابتة ل غالبية المطهرات
بس هقولك على تجربة عملوها علماء اسبان منشورة فى مجلة الElsevier
ان افضل مطهر للنيوكاسل على حسب التجارب المعملية هو الجلوترالهيدات glutaraldehyde
بس طبعا علشان هو غير امن اثناء وجود الطير ف خلية اساسى فى برنامج التطهير بتاعك بعد الدورة ما تخلص لو اتصبت بالنيوكاسل او الانفلونزا
اذا تعالى نقول خلاصة المقال
خلطة الخل ترفع نافق النيوكاسل
مضاد السموم ب نوعية يرفع نافق النيوكاسل
غسيل الكلوى المحتوى على كلوريد الامونيوم ضد تكاثر النيوكاسل
اكثر عدوى للفيرس من المطهرات هو الجلوترادهيد

مقالات ذات صلة..

ما هى طريقة استلام الكتاكيت

تقدر تتابعنا من خلال صفحة دليل مربى شيكس

وتقدر تحمل من هنا تطبيق شيكس للدواجن

يوليو 21st, 2021