تطهير عنابر الدواجن

تطهير عنابر الدواجن

تطهير عنابر الدواجن

النهاردة هنتكلم عن مبادئ تربية الدواجن وهي هتكون سلسلة من المقالات فركز معانا اوى
-عنوان موضوعنا النهاردة وهو ازاي أهيئ عنابر الدواجن لدفعة جديدة من الكتاكيت عن طريق تنظيف المساكن وتطهيرها سواء العنبر أو غرفة علي السطح مربى فيها او اياً كان بكل بساطة هنمشي علي خطوات معينة ضرورية جداً فأول خطوة انك تشيل الفرشة القديمة لو انا مربي قبل كدا او لو مش مربي خلاص بسيطة كدا كدا انت هتجيب فرشة جديدة نرجع تاني لو انت مربي قبل كدا فلازم تشيل الفرشة القديمة دي كلها سواء هتحرقها أو تستفاد منها كسماد زراعي بعد ما تتعامل حرارياً طب بعد ما انت شيلت الفرشة وخلي بالك لازم تشيلها كلها أبدأ بقى رطب المكان بماية او احد المطهرات عشان تمنع انتشار الاتربة والغبار طب بعد كدا؟

هتنقل المعدات غير الثابتة زي العلافات مثلاً وتبدأ تغسلهم بالمايه والصابون وتطهيرهم بأي نوع من أنواع المطهرات بعد كدا هتخش عملية غسل العنبر بالكامل بالماية والصابون والغسيل هنا للأرضية والجدران بتاعت العنبر وللمعدات الثابتة هستنى لحد ما يجف العنبر وهبدأ اخش في مرحلة التطهير لأما عن طريق الرش أو التدخين وهكذا زي ما هنعرف في الفيديوهات الجايه ففية سؤال مهم جداً طب هل ينفع اني أطهر العنبر علي طول من غير ما أغسلة بمايه؟ طبعاً لا اوعى تطهر العنبر قبل ما تغسله بمايه لان فيه مواد عضوية موجودة في الأتربة والأوساخ اللي في الأرضية بتُبطل تأثير المطهر ومش بس كدا بنلاقي ان الأوساخ والأتربة بتكون تحتها بويضات بعض الطفيليات واللي ممكن المطهر مايوصلهاش يبقى عزيزي المربي اغسل العنبر بالمايه الأول عشان تتخلص من الأوساخ والأتربة وبعد كدا طهر العنبر بتاعك والتطهير هيشمل الجدران بتاعت العنبر وأي معدات ثابتة.

تطهير العنبر لبداية دورة التسمين

تطهير العنبر لبداية دورة التسمين

أنواع المطهرات المستخدمة فى تطهير عنابر الدواجن

أنواع المطهرات بس خلينا في البداية نتكلم عن التدخين بغاز الفورمالدهايد خلي بالك عشان هو سام جداً وبيعمل مشاكل في الأغشية المخاطية المبطنة للمجرى التنفسي فخليك في السليم وحاول ما تشمهوش وخبي عينك عزيزي المربى عشان بيعمل مشاكل فيها بردو تعالوا بينا نتكلم عن إرشادات عامة عن التدخين بغاز الفورمالدهايد فأول حاجة كفاءة غاز الفورمالدهايد بتزداد في الحرارة والرطوبة العالية فخلي بالك ان لازم حرارة العنبر او المكان اللي مربي فيه تكون درجة حرارته ٢٤ درجة مئوية او اكتر والرطوبة تكون ٧٥٪ او اكتر والحرارة متقلش عن ١٨ درجة مئوية والرطوبة متقلش عن ٧٠٪ طب ليه؟

تأثير الحرارة والرطوبة على الفرومالدهايد

تأثير الحرارة والرطوبة على الفرومالدهايد

تأثير الحرارة والرطوبة على الفرومالدهايد

بكل بساطة لأن لو درجة الحرارة والرطوبة قلوا هيخلي الفورمالدهايد يتكثف ويكون علي شكل بوليمرات يعني ايه بردو؟

يعني عشان الرطوبة والحرارة قلوا خلوا غاز الفورمالدهايد في صورة مسحوق بدل ما كان في صورة غاز فبكدا ولا كأني عملت تطهير للعنبر فإحذر عزيزي المربي ورش العنبر بالمايه عشان تزود الرطوبة وزود درجة حرارة العنبر عشان تلاقي نتيجة كويسة طب اصلاً ازاي اتكون غاز الفورمالدهايد بكل بساطة جبنا مسحوق البارافورمالدهايد وسخناه وبالتسخين طلع غاز الفورمالدهايد طب هل في طريقة تانية اطلع بيها غاز الفورمالدهايد من غير ما أسخن طبعاً ودا عن طريق اني بعمل مزج بين الفورمالين وبرمنجنات البوتاسيوم فالمزج ما بينهم بيولد حرارة فيطلع غاز الفورمالدهايد طب لما اجي اعقم أبدأ منين في العنبر؟

أبدأ من اخر العنبر من الركن لحد ما توصل للآخر عند باب الخروج من العنبر بعد كدا أقفل الباب كويس واتأكد ان مفيش تسريب للغاز من العنبر واستنى يوم او يومين وابقى افتح العنبر تاني طب بالنسبة لأنواع المطهرات فيه كتير زي مثلاً الكحول الايثيلي وهو عمله سريع بس مشكلته انه بيتبخر بسرعة وقابل للإشتعال وفيه الفورمالدهايد واللي لسه متكلمين عنه وهو الأكثر استخداماً بس مشكلته انه مسرطن وبيعمل مشاكل في الأغشية المخاطية وفيه الفينولات بس مشكلتها انها بتعمل تهيج للعين والجلد وفيه كتير غيرهم بس الأكثر شيوعاً هو غاز الفورمالدهايد لانه فعال في وجود الجراثيم الاعتيادية وجراثيم السُل والفيروسات والفطريات.

كان معاكم محمد بدوي الطبيب البيطري بشركة شيكس للدواجن

-وبكدا نكون وصلنا لنهاية المقالة النهارده استنونا المقالة الجاية هنتكلم في موضوع جديد وشيق ودا كان مقال معانا في سلسلة مبادئ تربية الدواجن لو ما اتفرجتش علي فاتت الحق اتفرج عليهم عشان تتابع معانا اول بأول ومستمرين معاكم تابعونا على مواقع السوشيال ميديا وخليكم مستعدين.

مقالات ذات صلة..

تربية الدواجن البيضاء من الالف الى الياء

تقدر تتابعنا من خلال صفحة دليل مربى شيكس

وتقدر تحمل من هنا تطبيق شيكس للدواجن

وتقدر تتابعنا من خلال قناة اليوتيوب شيكس للدواجن دليلك الاول للتميز

يوليو 28th, 2021