الموصفات الواجب توافرها لانشاء عنابر الدواجن

الموصفات الواجب توافرها لانشاء عنابر الدواجن

الموصفات الواجب توافرها لانشاء عنابر الدواجن

عنابر الدواجن نعرف 3 عوامل مهمين جداً في تربية الدواجن وهما:

1- الحرارة

2- الرطوبة

3- استهلاك الماية

فأول حاجه هنتكلم فيها عن الموصفات الواجب توافرها لانشاء عنابر الدواجن وهي الحرارة والرطوبة الحرارة ماتزدش عن 34 درجة مئوية والرطوبة ماتزدش عن 70% لأنهم لو زادوا عن الحد دا هتحصل مشاكل كتير زي ان الانتاج هيقل والخصوبة هتقل ونتيجة ان الرطوبة هتزيد دا هيسببلي بعض الأمراض زي الكوكسيديا وكمان ممكن تحصل مشاكل للجهاز التنفسي.

أهمية الحرارة والرطوبة داخل عنابر الدواجن

أهمية الحرارة والرطوبة داخل عنابر الدواجن

أهمية الحرارة والرطوبة داخل عنابر الدواجن

ومش بس كدا دا بسبب الحرارة العالية ممكن يحصل إجهاد حراري أما بالنسبة لإستهلاك الماية فخلي بالك لازم مستوى الملح مايزدش عن الحد المطلوب في العليقة لانه لو زاد دا هيسبب زيادة استهلاك الماية فهيعملي رطوبة في الفرشة وزيادة الرطوبة احنا لسه قايلين من شوية انه هيعمل مشاكل تنفسية يلا بينا نخش علي عنابر الدواجن ونعرف المواصفات المطلوبة عنابر الدواجن لازم يكون ليها مواصفات معينة عشان تضمن انتاج عالي فأول حاجه هتكلم فيها وهو موقع البناء وانت بتختار المكان اللي هتبني فيه العنبر لازم يكون فيه مصدر كهربا قريب للموقع ومصدر ماية ولازم يكون العنبر قريب من المواصلات الرئيسية وبالقرب من الطريق الرئيسي لسهولة النقل ولازم يكون العنبر بعيد عن اي عنبر تاني بمسافة 500 متر او اكتر طب ليه؟

ونتكلم عن الموصفات الواجب توافرها لانشاء عنابر الدواجن و عشان تكون في الآمان وتضمن انه مايتنقلش للعنبر بتاعك اي امراض من عنبر تاني تاني حاجه في المواصفات وهو اتجاه العنبر ويُفضل ان المحور الطولي للعنبر يكون في الاتجاه الشرقي الغربي وممكن يختلف من بلد للتانية. تالت حاجه مساحة العنبر ودا بيكون على حسب انت عاوز تربي قد ايه فلازم يكون من ١٠ ل ١٥ فرخة في ال ٢ متر. طب ايه أنواع عنابر الدواجن؟

أنواع عنابر الدواجن

أنواع عنابر الدواجن

أنواع عنابر الدواجن

عندنا 3 انواع للعنابر: العنابر المفتوحة و العنابر الشبه المغلقة و العنابر المغلقة بالنسبه للنوع المفتوح وهو بيكون كويس جدا في المناطق اللي بيكون فيها الجو معتدل طول ايام السنة لانه بيعتمد علي التهوية الطبيعية للدواج. أما بالنسبة للنوع شبه المغلق فبيكون فيه شبابيك وبيتركب علي الشبابيك مراوح هواء في الجهه المقابلة للعنبر فقط. أما بالنسبة للنوع المغلق مش بيكون فيه اي فتحات خالص للتهوية وبيستخدم مصابيح كهربائية للإضاءة بشكل مستمر بدل من الاضاءة الطبيعية وبالتالي كدا اقدر اتحكم في شدة الضوء.

المواصفات اللازمة لأرضية عنابر الدواجن

المواصفات اللازمة لأرضية العنبر لازم يكون اساسها قوي عشان تشيل العنبر وتكون الأرضية معمولة من الخرسانة عشان يكون سهل عليك تغسلها وتعقمها ولازم يكون في الأرضية ميل بسيط عشان يكون سهل عليك تصرف المايه لبرا العنبر وسُمك طبقة الخرسانة بيكون حوالي 8سم طب تاني حاجه انك تعمل مخزن جنب العنبر عشان تحط فيه العلف والأدوات اللي هتحتاجهم في العنبر ولازم يكون فيه خزان مايه للعنبر الواحد بسعة 1000 لتر.

ويكون أفضل لو يكون فيه خزان اكبر ويوزع المايه لخزانات اصغر بحيث يكون فيه مايه بإستمرار طب تالت حاجة لازم يكون فيه مولد كهربائي عشان لو الكهرباء قطعت ومحرقة خاصة عشان تحرق النافق والفضلات.

وحاجه مهمه انك تُحيط العنبر بسياخ حديد او سور عشان تمنع الكلاب والقطط انهم يدخلوا العنبر وحاجه مهمه كمان انك تُحيط العنبر بشجر طب ليه؟

عشان يحجب أشعة الشمس في الصيف وتدخل في الشتا فبكدا انت بتلطف الجو داخل العنبر ودا في حالة العنابر المفتوحة أما في حالة العنابر المغلقة يلا بينا نخش علي حاجة مهمه جدا جدا فيها وهي المراوح او الشفاطات اولا كدا خلينا متفقين ان عدد الشفاطات اللي هنحطها في العنبر بتعتمد علي كفاءة الشفاط وعلي عدد الفراخ اللي هتكون في العنبر وعلي مساحة العنبر طب ازاي اصلا هقيس كفاءة الشفاط ودا بيكون علي اساس عدد الأمتار المكعبة من الهواء اللي هيسحبها الشفاط في الدقيقة او الساعه.

طريقة حساب عدد الشفاطات الواجب توافرها بعنبر الدواجن

طب تعالوا نتكلم عن الموصفات الواجب توافرها لانشاء عنابر الدواجن و نحسب عدد الشفاطات ودا بيكون لاما بتغيير هواء العنبر كل دقيقة او سرعة الهواء لا تقل عن 2 متر في الثانية فلو جينا لاول طريقة وهي تغيير هواء العنبر مرة كل دقيقة فأول حاجه لازم نعرف حجم العنبر هنفترض ان عندنا عنبر طولة 100 متر وعرضه 12 متر وارتفاعه 3 متر يبقى كدا حجم العنبر هيكون الطول في العرض في الارتفاع اللي هو

100*12*3=3600 متر وقوة المروحة حوالي 1400 متر وتغيير الهواء بيكون ١٠ متر في الثانية يبقى تغيير الهواء هيكون قد ايه في الدقيقة اضرب 10*60 ثانية = 600 متر مكعب يبقى كدا عدد الشفاطات هيكون حجم العنبر علي مقدار تغيير الهواء في الدقيقة = 3600/600=6 شفاطات تاني طريقة هحسب بيها عدد الشفاطات وهي سرعة الهواء لا تقل عن 2 متر في الثانية.

حساب نسبة الهواء المطلوبة للطائر حتى نعرف عدد الشفاطات المطلوبة لتجهيز عنبر الدواجن

فهنعمل معادلة بسيطة وهي ان سرعة الهواء= عدد المراوح * حجم الهواء اللي بتغيره المروحة كل ثانية / ارتفاع العنبر * عرض العنبر، طب هل فيه طرق تانيه غير دول طبعاً عن طريق الوزن المستهدف من الدورة او كمية اللحم فهنفترض ان عندي عنبر سعته حوالي 16800 والوزن اللي عاوزه يكون حوالي ٢ كيلو يبقى كدا كمية اللحم النهائي بعد ما الدورة تخلص 16800*2= 33600 كيلو لحم والفرخة الواحدة بتحتاج حوالي 7.5 متر مكعب كل ثانية من الهواء يبقى كمية الهواء المستهلك للفراخ كلها في الثانية اضرب 7.5*33600= 252000 متر مكعب كل ثانية وقوة الشفاط مساحته 140*140 حوالي 36000 يبقى كدا عدد الشفاطات = كمية الهواء علي قوة الشفاط= 252000/36000 = 7 شفاطات للعنبر.

عزل العنابر لجعل عنابر الدواجن شبة مغلقة

عزل العنابر لجعل عنابر الدواجن شبة مغلقة

عزل العنابر لجعل عنابر الدواجن شبة مغلقة

عازلات العنابر شبه المغلقة ومهمة جدا عشان تديلك التدفئة في الشتا او اول ايام من عمر الكتاكيت وتديلك التبريد في الصيف وبكدا انت بتحافظ علي درجة الحرارة بتاعت العنبر بس العنابر المغلقه مش محتاج فيها عازلات حرارة عشان بتكون بنظام آلي بالكامل وبيكون فيه مستشعرات بتتحكم في درجة حرارة العنبر تاني حاجه في المواصفات.

وهي السقايات واللي ممكن تكون عادية او آلية بالنسبه للسقايات العاديه وفي الغالب بتتصنع من البلاستيك والسعة بتاعتها بتختلف وبنستعمل سقاية سعتها حوالي ٣.٨ لتر لكل 100 فرخة وبنستعملها في الاسبوع الاول من التربية اما السقايات الآلية واللي بيكون فيها نبل فلو النبل دا بدون كب هيكون 12 فرخة للنبل الواحد اما لو بكب يبقى من 25 ل 30 فرخه للنبل الواحد.

وخلي بالك من شوية الحاجات دول ان المسافة بين السقاية والتانيه ماتزدش عن 2.5 ل 3 متر وان درجة حرارة المايه تكون حوالي 20 درجة مئوية وما تشربش الفراخ مايه باردة عشان دا هيعملهم مشاكل معوية.

وحاجه مهمه ان السقايات تكون عالية عن الارض شوية عشان المايه ما يحصلهاش تلوث بالفرشه والبراز وكمان هتمنع ان المايه تقع علي الفرشه وتزود الرطوبة ودا بيعمل مشاكل زي ما قولنا قبل كدا حاجه مهمه كمان جدا ان النبل بيشتغل عند عمر يوم واحد عادي وبيكون معاه السقايات العاديه وبعد اسبوع بتتشال السقايات العاديه وبتفضل النبل موجوده.

تالت حاجه في المواصفات وهي العلافات ومنها النوع العادي ومنها النوع الآلي زي السقايات بالنسبه للعلافات العاديه فبنستعمل حوالي من 10 ل 25 علافة لكل 1000 فرخة وبيكون طولها حوالي 1.5 متر بس عدد العلافات بيختلف ويعتمد علي عمر الفراخ ونمو الفراخ والكثافة او الزحمة على العلافة

فساعات بنلاقي ان العلافات مش كافيه للفراخ وبنلاقي عليهم زحمة ففي الحالة دي لازم نزود عدد العلافات عشان نمنع الزحمة اللي ممكن يحصل بسببها تلوث للعلف وتهديره ودا كان بالنسبة للعلافات العادية اما العلافات الآلية اللي بتكون بسلسلة حديد لازم تحط 2 خط علافات على الاقل و دا لو عرض العنبر من 10 ل 11 متر وأربع خطوط لو عرض العنبر اكتر من 11 متر.

وخلي بالك لازم العلافة تكون عالية عن الارض شوية عشان تمنع تلوث العلف بالفرشه والبراز وتمنع تهديره وكمان ما تملاش العلافات اكتر من النص عشان تقلل من تبذير العلف ويُفضل يكون فيه فرش رول ورق ونحط العلف فيه وطبعا بنستعمل العلافات الآلية من عمر يوم واحد عادي وبيكون معاها العلافات العاديه وبعد اسبوع تتشال العلافات العاديه وبتفضل موجوده العلافات الآليه زي ما عملنا في السقايات.

كان معاكم محمد بدوي الطبيب البيطري بشركة شيكس للدواجن

-وبكدا نكون وصلنا لنهاية المقالة النهارده استنونا المقالة الجاية هنتكلم في موضوع جديد وشيق ودا كان مقال معانا في سلسلة مبادئ تربية الدواجن لو ما اتفرجتش علي فاتت الحق اتفرج عليهم عشان تتابع معانا اول بأول ومستمرين معاكم تابعونا على مواقع السوشيال ميديا وخليكم مستعدين.

مقالات ذات صلة..

تطهير عنابر الدواجن

تقدر تتابعنا من خلال صفحة دليل مربى شيكس

وتقدر تحمل من هنا تطبيق شيكس للدواجن

وتقدر تتابعنا من خلال قناة اليوتيوب شيكس للدواجن دليلك الاول للتميز

يوليو 28th, 2021